اكتبى عدل يا شهد..-ياماما الحرف ده اسمه" ألف"مش عدل..*********-انت ياماما شفتى....-عيب ياشهد...اسمها حضرتك..بنقول للكبير حضرتك-حضرتك ياماما شفتى الفيل؟-بتقولى ايه؟-قصدى حضرتك ياماما شفتى حضرة الفيل؟********ياترى ممكن أى حد فيكم يجاوب الأسئلة دى؟؟!!!..والله انا ماعرفتش!!1-ماما..هى الرسالات السماوية مش كلها بتدعو لعبادة الله؟-أيوة يا عمر..-طب ليه بقى احنا مش بنقرأ فى الانجيل والتوراة كمان؟خدوا عندكم كمان...شوية أسئلة عمولة من منهج تانية ابتدائى...مش كلهم عمر واللا كنت أنتحر..-طب ممكن كل واحد يختار الدين اللى يعجبه؟-طب ربنا مانزلشى القراّن على كل الأنبياء ليه؟-اشمعنى سيدنا نوح ماعندوش كتاب؟-هيه ايه الأسماء اللى علمها ربنا لاّدم؟-الرسول هاجر المدينة..طب المدينة ليه مافيهاش كفار زى مكة؟-طب همه قوم نوح ماعندهمش سفن زى اللى صنعها سيدنا نوح علشان يركبوها؟-يعنى كل اللى بيغرقوا ربنا مش بيحبهم؟--طب وربنا ماغرقشى الكفار فى مكة ليه؟*********كل ده كوم ولما ابنك ييجى يسألك السؤال ده كوم تانى....فيه مسيحيين عندى فى الفصل وعايز أقرأ الانجيل وأصلى معاهم....وخلى بالك ....اللى حتقولوا لابنك حيروح يقولو لزمايله فى الفصل بالحرف!!!!نفس المشكلة ممكن تقابل المسيحيين كمان..دول أطفال يا جماعة!!
Subscribe to:
Post Comments (Atom)
No comments:
Post a Comment